Αδιάκριτος καi Ανυπόκριτος

Αληθινὴ καὶ ψευδὴς σοφία

13 Τίς σοφὸς καὶ ἐπιστήμων ἐν ὑμῖν; 

δειξάτω ἐκ τῆς καλῆς ἀναστροφῆς 

τὰ ἔργα αὐτοῦ ἐν πραΰτητι σοφίας.

14 εἰ δὲ ζῆλον πικρὸν ἔχετε 

καὶ ἐριθείαν ἐν τῇ καρδίᾳ ὑμῶν, 

μὴ κατακαυχᾶσθε καὶ ψεύδεσθε 

κατὰ τῆς ἀληθείας.

15 οὐκ ἔστιν αὕτη ἡ σοφία

ἄνωθεν κατερχομένη, ἀλλ' ἐπίγειος,

ψυχική, δαιμονιώδης.

16 ὅπου γὰρ ζῆλος καὶ ἐριθεία, 

ἐκεῖ ἀκαταστασία καὶ πᾶν φαῦλον πρᾶγμα.

17 ἡ δὲ ἄνωθεν σοφία πρῶτον μὲν

ἁγνή ἐστιν, ἔπειτα εἰρηνική, 

ἐπιεικής, εὐπειθής, μεστὴ ἐλέους

καὶ καρπῶν ἀγαθῶν, 

ἀδιάκριτος καὶ ἀνυπόκριτος.

18 καρπὸς δὲ τῆς δικαιοσύνης

ἐν εἰρήνῃ σπείρεται τοῖς ποιοῦσιν εἰρήνην

Επιστολή Ιακώβου Κεφάλαιο 3